Журнал "Казан утлары"

📍Татарстан Милли музее 📌 «Казанның гастрономия елъязмасы» күргәзмәсе. 📤 Индира Габдуллина

Сабакташлар (хикәя) – Ба! Кемне күрәм мин! Чанга, синме бу?! Хәзер күңелем тыныч – машина чиста булачак! «Бишле»гә генә укыган кеше үз куллары белән югач, минем чибәркәй чынлап та тәртиптә булачак! – диде ул мыскыллы көлемсерәп һәм машина юучыга якынрак килеп басты. 🔗https://kazanutlary.ru/news/hikaya/sabaktaslar-xikaia

Хәерле көн ✨ Татар мәкальләре һәм әйтемнәре сүзлегеннән 📚

Мин килермен иртән кояш булып, Мин килермен кичен ай булып. Мин килермен өзелеп сагынганда Йөрәгеңә җылы май булып. Мин килермен сиңа яңгыр булып, Керфегеңнән яшең юармын. Җилләр булып исеп кайгыларың Ярсып таратырмын, куармын. Рифат Җамал

Абдулхак Игебаевның Равил Фәйзуллинга язган хаты Һөйөнсө! Башкортстандагы бик күп дусларыңны сөендереп, «Һөйөү көслө имандан» дигән китабың дөнья күрде. Ихлас-ихлас күңелдән котлыйбыз! 🔗https://kazanutlary.ru/news/khatlar-yazdym-utyryp/abdulxak-igebaevnyn-ravil-faizullinga-iazgan-xaty-1787165060

Ә тарих? Яза ул үз-үзен. Без аңа кирәкми бөтенләй. Ияреп йөрергә бары тик, әләмнәр күтәреп, көтүдәй. Карарлар чыгарып, хөкемнәр. Мәйданнар тутырып. Утырып. Һәм сәер бизгәкне, ирексез, киләчәк буынга йоктырып. Ә тарих? Чәйни ул үз-үзен, ә төшен чыгара төкереп. Һәм килә һәркайчан ашыгып, һәм китә озаклап, көттереп. Без аңа түгелбез беркем дә – артыгын ымсыныр, өркергә: Әйләнеп мәгънәсез өндәүгә, әйләнеп кирәксез өтергә. Ә тарих? Язсын ул үз-үзен. Калганы – кирәкми бөтенләй. Мин тоям яшәүне ирнемдә – үләннәр, чәчәкләр сөтедәй. Мин тоям яшәүне ирнеңдә – диңгезнең назыдай, сулыккан, Без инде берни дә көтмәгән мизгелдә, очрап, бер юлыккан. Ә тарих... мең еллар укмашып, диварлар кубарып ишелде. Гөрселдәп аксын ул янәшә шау күбек – Мзымта1 шикелле. Юлында ияртеп – ни күрә: кем нәрсә хакына дип күнә... Кем нәрсә хакына дип сүнә... Кем нәрсә хакына дип үлә... Мин риза нибары назына яшәүнең, ул – җәннәт сөтедәй! ...Ә тарих? Үтсен тик әйләнеп, белмәгән шикелле сине дә, Белмәгән шикелле мине дә – бөтенләй. Луиза Янсуар

Иртә белән көн дә бер әйләнәм Елга буен, басу, тугайны. Су буенда сайрый сандугачым, Моңга күмеп туган ягымны. ✍️ Ренат Шәрәфиев шигыре – безнең карточкаларда. 📤 Индира Габдуллина

Әрмән «шаһзадәсе» мәхәббәте (сәяхәтнамә) Диңгез турындагы хыялым көтелмәгән тәкъдим белән тормышка ашты: Кара диңгез буендагы ике катлы йортка дәшеп алдылар. 🔗https://kazanutlary.ru/news/yana-isemner/arman-sahzadase-maxabbate-saiaxatnama

ЧЫН ЯРАТУ ХАКЫНА (хикәя) Наташа караватта тәсбих тартып утырган Рәфинәнең алдына килеп тезләнде. – Исәнме, әнкәй! Менә без кайттык. Хәлләрең ничек? Исән-имин генә гомер итәсезме? Зинһар, ачулана, рәнҗи күрмә безгә... Гафу ит... Үзенә шулай ягымлы, җылы итеп саф татарча дәшкән хатын-кызның йөз чалымнарын кайдадыр, кайчандыр күргәне бар кебек тоелып китте Рәфинәгә. 🔗https://kazanutlary.ru/news/hikaya/cyn-iaratu-xakyna-xikaia