КУГАРНЯ газет

Морко район Шап Унчо гыч Яков Тимофеев вич ияшак колым кучаш тӱҥалын. Кӧ таратен? Изиж годым Яков Марий Шап ял воктенысе коремыш пинюгым кучаш коштын. А вара ачаже пеленже налаш тӱҥалын, Шора эҥер деке лектыныт. Варажым шкетынак колым кучаш коштеден. Лӱдынат, ӧрынат огыл! Кызыт 9 ияш Лёва ден 6 ияш Глеб йочаже-влак дене эҥырат. – Эргым-влак мыйын гаяк колым кучаш пеш йӧратат, но эн чотшо изиракше тиде пашалан кумылан. Ялыш миена гына, тудо тунамак ӱжаш тӱҥалеш. Йочасадыш тыге огеш кынел, а колым кучаш манат гын, кеч-мыняр шагатлан помыжалтеш, лийже тиде кок-кум шагат эр гынат. Теве мо оҥайже: икте почеш весым лочка, тудын чӱҥга, а мыйын уке. Южгунамже мӧҥгыжат виешак наҥгаяш перна: «Шог

💥 Нарды дене сайын модыт Астраханьыште 6-13 июльышто СВО-н, боевой действий да военный службын ветеранже-влак коклаште нарде дене «Кубок Защитников Отечества» физкультурный мероприятийын финалже эртен. Мемнан республикым «Сильные духом» паралимпийский сборныйын еҥже-влак араленыт. Тиде командым «Защитники Отечества» фондын марий филиалже пелен чумырымо. Ӱмаште Альфред Нурмухаметов, Андрей Колосов, Евгений Сушенцов, Юрий Казаков Озаҥыште нарде дене турнирыште ший медальым сеҥен налыныт ыле. А тений 13 июльышто кудымшо верыш лектыныт. Участник-влак Республикынам вуйлатыше Юрий Зайцевлан спортлан вияҥашыже йӧным ыштымлан тауштат. 📍Россий кӱкшытан ты турнирыш элнан 35 регионжо гыч 1

🎶💃Морко районын шочшыжо Виктория Петрова дене тений Йошкар-Олаште Российысе калык-влакын икоян улмо идалыкыштым пайремлын почмо годым палыме лийым. Мотор чурийвылышан да вургеман марий ӱдыр Унчо ялын шочшыжо улам, мане. Тудо, Унчо кыдалаш школышто 11 ий шинчымашым погымеке, Марий кугыжаныш университетыш марий йылме, литератур да англичан йылме туныктышылан тунемаш пурен. Кызыт кокымшо курсым пытарен. Шочмо йылме шӱм-чонжылан ондакак лишыл лийын. Школ пагытыште тӱрлӧ олимпиадыш, утларакшым марий йылме, литератур, руш йылме дене, коштын. Виктория кызыт могай кумыл дене тунеммыж нерген каласкалыш: – Студент жап – эн шерге да йоҥгыдо. Тиде пагыт веселан эрта. Молан манаш гын ме, студент-

Коля йӱштымужо деч аралалтса ‼Тений вич тылзыште Марий Элыште коля йӱштымужо (ГЛПС) дене черланыше кодшо ий тыгаяк жап дене таҥастарымаште 1,5 пачаш шукемын. Чылаже 23 случайым регистрироватлыме. Тидыже 100 тӱжем еҥлан шотлымаште 3,4 показатель лиеш (2025 ийыште – 14 случай да показательже – 1,4). ✅Коля йӱштымужо дене черланыме годым температур 38-40 градус марте кӱза, чытырыкта, вуй, чогашыл корштат. Тыгак шӱргӧ, шӱй да капкылын кӱшыл ужашыже йошкаргат (гиперемий маныт).

💥12 июльышто йӱла почеш Морко район Унчысо Мер отышто СӰРЕМ КУМАЛТЫШ эртаралтын. 🥧Кумалме йӱла кузерак эртаралтме нерген Унчо селаште илыше, школышто марий йылме ден литературым туныктышо Римма Петрова каласкалыш: ✅Надырлан пуымо ӱшкыж шыл дене кугу подеш лемым шолтеныт, вара лемже дене пучымышым шолтат. Тудым чылан пырля авызленна. Эше мӱй вӱдым ыштеныт. Тудымат чылан йӱыныт. Кумал пытарымеке, кажныже шке намийыме кочкышыжым тӱшкашке вераҥденыт, тыге сийыштым вашла пукшеныт. Мыят мелнам лӱмынак кӱэштынам ыле. Кажныже сортам, эше пӧлекым, оксам намиен. Мутлан, мыйын ӱдырем шке лӱмжӧ дене шовычым, ӱдыр уныкам шке лӱмжӧ дене шовычым, эрге уныкам солыкым, ачаже лӱм дене солыкым пуышт.

💤ТУКЫМ КЫЛ - МАРИЙ ФАМИЛИЙ 🇷🇺Пошкырт кундем Мишкан район Чорай селасе Я.Ялкайн лӱмеш марий гимназийыште марий йылмым да литературым 25 ий туныктышо Анжелика Юзукбаева деч фамилийже нерген йодмылан тыге вашештыш: – Фамилий нерген кугу шымлымашым ыштен омыл. Юзукбаев фамилий – пелашемын. Кумдан шарлыше огыл. Пошкудо Корак ялыште уло манын колынам. А шкеже ты районысо Кульчубай ял гыч улам, ӱдыр фамилиемже – Байрамова («байрам» татар мут, марлаже «пайрем» лиеш). Юзукбаев мом ончыкта? «Йозек» татарла «шергаш» манме лиеш. Южышт «йозак» да «бай» мутла ушалтме дене лийын манын палемдат. Вес семынже, йозакым погышо поян. Ачалийшем пошкудо Тӧлдӧ ял гыч. Ӱмыржӧ мучко Чорай школышто математикы

Шудым солаш САВА пӱсӧ лийже 📌Пошкырт кундемысе Мишкан район Эшым ялыште "Йоҥгалт, сава" пайрем эртен. Тушко кажне ийын шуко еҥ толеш. Эшым гыч Апсаликов Борис Шакирович савам шумымо шотышто мастер-классым ончыктен. Тӱрлӧ ийготышто сеҥыше-влакым палемденыт. Кажныжым приз дене палемденыт. Погынышо-влакым сийлан поян ӱстел вучен. Тамле плов кажнылан келшен. Могай пайрем "Кандырам" пунен куштымо деч посна!!! Эшым ялысе клуб тӱшка.

💃Татарстанысе Менделеевск олаште «Эхо веков в истории семьи» лӱман еш фестиваль эртаралтын. Тудо С.Гассар лӱмеш тӱвыра полатыште эртен да Россий калык-влакын икоян улмо идалыклан, Еш, йӧратымаш да икте-весылан ӱшанле улмо кечылан пӧлеклалтын. Эн сай еш лӱмым нумалшаш верч кум еш таҥасен: - Семяковмыт (марий), - Радыгинмыт (марий), - Плотниковмыт-Тарасовмыт (кряшен) 🎶Участник-шамыч шке ыштен кондымо кочкышышт дене ӧрыктареныт да оҥай усталык номер-влакым ончыктеныт, муреныт, куштент, шке тукымвожышт нерген каласкаленыт. Икымше вер дене РАДЫГИНмыт палемдалтыныт. Кокымшо верыште Плотникомыт-Тарасовмыт улыт, кумшо верыште — Семяковмыт. 💐САЛАМЛЕНА! 📷Марийцы Казани и Татарстана тӱшка

📍«Эмер» самырык тукымым чумырен 6 июльышто Курыкмарий районышто Юл кундемысе молодёжьын II «Эмер» слётшо почылтын. Тудо 10 июль марте шуйна. 👉 Тушко тӱрлӧ регион гыч ӱдыр-рвезе-влак погыненыт. Организатор-шамыч оҥай да тыгодымак шинчымашым шуарыше программым ямдыленыт: курыкмарий тӱвыра дене палыме лиймаш, командым чумыраш тунеммаш, мастер-класс, лекций-влак. Участник-шамыч тыгак проект пашам возат, грант нерген утларак пален налыт, национальный модыш дене модыт, кастене национальный фильм-влакым ончат. Слёт «Молодёжь и дети» нацпроектын «Регион для молодых» программыж почеш эрта. Фото: Молодежь Марий Эл

👩‍🔬 «Онкопатруль» Кужэҥерыште лийын ✍ Ты кеҥежым республикысе муниципалитетлаште «Здоровая республика» проект кышкарыште «Онкопатруль» акций эрта. 2022 ий гыч тудо Марий Эл Республикым вуйлатыше Юрий Зайцевын инициативыж почеш шукталтеш. Тудын тӱҥ задачыже — онкологий черым жапыштыже муаш да эмлалташ тӱҥалаш. 7 июльышт ты акций Кужэҥерысе эмлымверыште лийын. Посёлко да ты кундемысе ялла гыч шуко еҥ толын, тергалтын, кӱлеш ой-каҥашым налын. "Заря" газет.