КУГАРНЯ газет

💤ТУКЫМ КЫЛ - МАРИЙ ФАМИЛИЙ 🇷🇺Пошкырт кундем Мишкан район Чорай селасе Я.Ялкайн лӱмеш марий гимназийыште марий йылмым да литературым 25 ий туныктышо Анжелика Юзукбаева деч фамилийже нерген йодмылан тыге вашештыш: – Фамилий нерген кугу шымлымашым ыштен омыл. Юзукбаев фамилий – пелашемын. Кумдан шарлыше огыл. Пошкудо Корак ялыште уло манын колынам. А шкеже ты районысо Кульчубай ял гыч улам, ӱдыр фамилиемже – Байрамова («байрам» татар мут, марлаже «пайрем» лиеш). Юзукбаев мом ончыкта? «Йозек» татарла «шергаш» манме лиеш. Южышт «йозак» да «бай» мутла ушалтме дене лийын манын палемдат. Вес семынже, йозакым погышо поян. Ачалийшем пошкудо Тӧлдӧ ял гыч. Ӱмыржӧ мучко Чорай школышто математикы

Шудым солаш САВА пӱсӧ лийже 📌Пошкырт кундемысе Мишкан район Эшым ялыште "Йоҥгалт, сава" пайрем эртен. Тушко кажне ийын шуко еҥ толеш. Эшым гыч Апсаликов Борис Шакирович савам шумымо шотышто мастер-классым ончыктен. Тӱрлӧ ийготышто сеҥыше-влакым палемденыт. Кажныжым приз дене палемденыт. Погынышо-влакым сийлан поян ӱстел вучен. Тамле плов кажнылан келшен. Могай пайрем "Кандырам" пунен куштымо деч посна!!! Эшым ялысе клуб тӱшка.

💃Татарстанысе Менделеевск олаште «Эхо веков в истории семьи» лӱман еш фестиваль эртаралтын. Тудо С.Гассар лӱмеш тӱвыра полатыште эртен да Россий калык-влакын икоян улмо идалыклан, Еш, йӧратымаш да икте-весылан ӱшанле улмо кечылан пӧлеклалтын. Эн сай еш лӱмым нумалшаш верч кум еш таҥасен: - Семяковмыт (марий), - Радыгинмыт (марий), - Плотниковмыт-Тарасовмыт (кряшен) 🎶Участник-шамыч шке ыштен кондымо кочкышышт дене ӧрыктареныт да оҥай усталык номер-влакым ончыктеныт, муреныт, куштент, шке тукымвожышт нерген каласкаленыт. Икымше вер дене РАДЫГИНмыт палемдалтыныт. Кокымшо верыште Плотникомыт-Тарасовмыт улыт, кумшо верыште — Семяковмыт. 💐САЛАМЛЕНА! 📷Марийцы Казани и Татарстана тӱшка

📍«Эмер» самырык тукымым чумырен 6 июльышто Курыкмарий районышто Юл кундемысе молодёжьын II «Эмер» слётшо почылтын. Тудо 10 июль марте шуйна. 👉 Тушко тӱрлӧ регион гыч ӱдыр-рвезе-влак погыненыт. Организатор-шамыч оҥай да тыгодымак шинчымашым шуарыше программым ямдыленыт: курыкмарий тӱвыра дене палыме лиймаш, командым чумыраш тунеммаш, мастер-класс, лекций-влак. Участник-шамыч тыгак проект пашам возат, грант нерген утларак пален налыт, национальный модыш дене модыт, кастене национальный фильм-влакым ончат. Слёт «Молодёжь и дети» нацпроектын «Регион для молодых» программыж почеш эрта. Фото: Молодежь Марий Эл

👩‍🔬 «Онкопатруль» Кужэҥерыште лийын ✍ Ты кеҥежым республикысе муниципалитетлаште «Здоровая республика» проект кышкарыште «Онкопатруль» акций эрта. 2022 ий гыч тудо Марий Эл Республикым вуйлатыше Юрий Зайцевын инициативыж почеш шукталтеш. Тудын тӱҥ задачыже — онкологий черым жапыштыже муаш да эмлалташ тӱҥалаш. 7 июльышт ты акций Кужэҥерысе эмлымверыште лийын. Посёлко да ты кундемысе ялла гыч шуко еҥ толын, тергалтын, кӱлеш ой-каҥашым налын. "Заря" газет.

👆Таче, 8 июльышто, Уфаште Башкортостан Республикын Национальный музейыштыже «Откуда слышен звон монет» выставке почылтын. Тиде Пошкырт кундемысе тӱҥ тоштер ден Марий Элысе Т. Евсеев лӱмеш Национальный тоштерын пырля чумырымо проектышт. 👉 Проект Калык-влакын икоян улмо идалыкыштлан пӧлеклалтын. Тудо «Многоцветье России» акций жапыште эрта да марий тӱвыран поянлыкшым почын ончыкта. Выставкыште декоративно-прикладной сымыктышын арверже-влакым, тошто костюм-влакым, сӧрастарыш ӱзгарым, суртысо арверым да молымат ужаш лиеш. Уна-влакым тӱрлӧ вашлиймаш, экскурсий, мастер-класс вучат. Выставкым почмаште «Байрам» калык куштымаш ансамбль марий куштымашым ончыктен. ❗Тоштер тыгай адрес ден

ТУКЫМВОЖ ФАМИЛИЙ🥁 Пошкырт кундем Мишкан селаште кушшо да кызыт Москошто ешыж дене илыше Наталья Шамуратова шке тукымжо нерген каласкалыш: – Мемнан тукымвожна Мишкан район Уялыште тӱҥалеш. Ондак тукымнан фамилийже Ахметов лийын. 1928 ийыште Шамурат Ахметович Ахметовын да Пайсылу пелашыжын (ӱдыр фамилийже – Иманбаева) ешыштышт эрге шочын. Тудлан Борис лӱмым ойырен налыныт. Ты жапыште шочшо аза-влаклан ачаштын лӱм дене фамилийым пуэденыт – тыге мыйын кочам Борис Шамуратович Шамуратов лийын. А моло икшывышт (Николай, Зоя, Леонид) Ахметов фамилий денак коштыныт. Фамилийна Шамурат тюрк лӱм гыч гынат, ме чыланат марий улына. Кочам ӱмыржӧ мучко вуйлатыше должностьлаште тыршен. Тудо мӱкшым

🌹❤ Еш, йӧратымаш да ӱшанле улмо кече дене! 🎀 Таче, 8 июльышто, Йошкар-Олаште «Еш парад» эртаралтын. 🍀 Тудын участникше-влак таҥошкылмаш дене Патриарший площадь гыч Марий кугыжаныш филармоний марте каеныт. А вара тушто пайрем мероприятий умбакыже шуйнен. Пайрем дене, йолташ-влак! Ольга Майкован фотожо-влак.

❤ Сӱан йӱла - МОСКОШТО Москосо «Россий» национальный рӱдерыште lll Всероссийский Сӱан фестиваль лиеш. Тудо Еш, йӧратымаш да ӱшанле улмо кечылан пӧлеклалтеш. 🌹Фестивальыш элнан тӱрлӧ кундемже гыч 100 мужыр ушна. Кажныже шке калыкшын йӱлажым изиш ончыкта. Марий Эл гыч ты кечын фестивальыште Дмитрий Казанцев ден Марина Семенова лийыт. 🌸 Дмитрий Казанцев ден Марина Семенова – Медведево посёлко гыч самырык марий еш. Коктынат Шернур районын шочшыжо улыт: Дмитрий – Поланур ял гыч, а Марина – Шернур посёлко гыч. Вате-марийым 11 тылзаш ӱдырышт куандара. Дмитрий кӱртньӧ омсам ыштымаште тырша, а Марина – Звенигово район Шолэҥерысе «Сайвер» химзаводышто. Коктынат марий улыт, марла моштат да мари

🌿 8 июль— Петр ден Феврониям шарныме кече, Еш, йӧратымаш да ӱшанле улмо кече 🌿 Ты кече сӧрасаш, еш вашкылым пеҥгыдемдаш поснак келшыше. Ты кечым еш дене пырля эртарыза. Икте-весылан чоным почса, поро мутым каласыза, лишыл еҥда-влаклан воктенда улмыштлан тауштыза. Висвис аршашым кучыктыза, тудо яндар йӧратымашын, ӱшанле улмын да еш пиалын палыже. 🍃 Калык пале: • 8 июльышто игече ояр да шокшо — кодшо кеҥеж шокшо да поян лектышан лиеш. • Йӱр йӱреш — поҥго чот шочеш. • Пасушто висвис шуко — ешлан пиалан да ласка идалыкым сӧра.