МАРИЙ ЭЛ | УВЕР ЙОГЫН | ЛЕНТА НОВОСТЕЙ

🌞🌺🌿Поро эр, пагалыме лудшына-влак! Таче 28 июнь, рушарня. Канышда ласкан эртыже, кумылда весела лийже! 📌 Кайык-влак волгыжмешке мурат — ояр кечылан. 📌 Оҥгыр пеледыш кумык лийын — йӱрлан. 📌Кастене шонанпыл лектеш — эрла игече ояр лиеш. 🌺Таче тыгай лӱман-влакын суксо аралтыш кечышт: Григорий, Михаил, Семен, Федор. 📸Михаил Скобелевын фотожо/"Марий Эл" увер агентстве.

🎨 Республикысе самырык сӱретче-влаклан Козьмодемьянскыште 27 июнь марте Чумыр марий йоча пленэр эрта. Тушко тений латвич йоча сымыктыш школ гыч 57 тунемше ушнен. Нунылан мастер-классым Российын сулло художникше Сергей Алдушкин шке усадьбыштыже эртара. 📸 Фотом Тӱвыра, савыктыш да калык-влакын пашашт шотышто министерствын МАХ каналже гыч налме.

🌹 Таче, 24 июньышто, Юлсер кундемын шочшыжо, кугыжаныш да мер пашаеҥ Римма Григорьевна Катаева 80 ияш лӱмгечыжым палемда. Римма Григорьевна эн ончыч ялысе туныктышылан тыршен, варажым Российысе туныктыш министертсвын консультантше да Марий Эл Республикысе туныктыш министр, Марий Эл правительствын вуйлатышыжын службыжын вуйлатышыже лийын.

Унам вашлийме тат

☀🌈 1 июнь – Йоча-влакым аралыме тӱнямбал кече. Йоча пагытда мо дене ушеш кодын? Моло деч мо дене ойыртемалтшырак лийын? Галина НИКОНОРОВА (ШАБАЛИНА), ужалыше (Йошкар-Ола): – Йоча пагытем У Торъял районысо индеш пӧртан Лодакэҥер ялыште эртен. Рушыжат, марийжат икте-весе дене келшен иленна. Шаршудан уремын ик велыштыже пӧрт-влак лийыныт, а вес велне ваштар пушеҥге-шамыч одарланеныт. Ялыште шуко йоча кушкынна. Лум каен пытымеке, курык саҥгаш, тӱшкан погынен, лапта, футбол дене модаш вашкенна. Вес ялла гычат ӱдыр-рвезе-влак толеденыт. Модын юарлыме, корем вӱдыштӧ ияш тунемме, йӱштылмӧ годым йӱкна торашке шергылтын. Кугу Нурмо школышто тунемынна. Кеҥежым тушко йолташ-влак дене ӱчашен-ӱчашен куржына ыле. Тунемме верыш каяш кум корно лийын. Нылымше класс деч вара Тошто Торъялыш экскурсий дене наҥгайымыштым, поснак сӧсна комплексыште лиймым чот шарнем. Классыштына 24 ӱдыр-рвезе лийынна. Школым тунемын лекмылан ятыр ий эртен гынат, кажне ийын вашлияш тыршена. Ныл ияшем годым, «Марий Эл» газетым лудын, лудаш тунемынам да кызытат ты изданийым йӧратен шергалам. Чаманаш кодеш, ялна ынде 25 ий уке, олмыштыжо пушеҥге-влак кушкыт. Ялыш мийымеке, кочамын 1904 ийыште шынден кодымо пӱнчыжым ӧндалын, весела йоча пагытем шарналтем. Ты кугу пушеҥге ончыч пӧрт ончылнына лийын. Тидын нерген кочам дневникыштыжат возен. Алевтина БАЙКОВА ямдылен. Авторын ла еш альбом гыч налме фото

Шернур поселкышто илыше Лариса Лоскутова-Милютина сад-пакчаштыже пеледышым ончен кушташ моткоч йӧрата. Кызыт тудо Россий кӱкшытан коллекционер. Ончыч верысе училищыште поварлан, вара Москвасе психолого-социальный институтышто психологлан заочно тунем лектын (ондак тиде вуз Н.К.Крупская лӱмеш МГПИ пелен лийын), шочмо Шернур район Шӱдымарий школышто, Шернур поселкысо ПТУ-што туныктымо шотышто производственный мастер лийын да «кулинарий» специальностьлан туныктен. Но икмыняр жап гыч училищым петыреныт. Тылеч вара Лариса Александровна «Энергия» акционер ушемыште тыршен. Ӱмаште тӱҥалтыш класслам туныктышо специальностьлан оксала заочно тунем лектын. Но кодшо ийынак тыге лектын – тӱрлӧ амаллан кӧра ӱдырамаш паша деч посна кодын. Да ынде уло жапшым йӧратыме сомылжылан пӧлекла. Кеч ты сомылым тудо ондакак шукташ тӱҥалын. Любовь Камалетдинова Фотом еш альбом гыч налме [#alias|газетамарийэл.рф/peledyshym...|https://газетамарийэл.рф/peledyshym-jӧratymash-kovazh-dech-kusnen/]

Нева серысе кундемыште илыше мрий-влак тений Пеледыш пайремым ик эн ончыч, 23 майыште, Всеволжск оласе Юбилейный площадьыште эртарат. Мероприятийым эртарымашке тушто илыше чуваш-шамычат Акатуй пайремышт дене ушнат. Пеледыш пайремым сӧрастараш Киров область, Марий Эл, Башкортостан республикла гыч усталык коллектив ден артист-влак каят. Москваште Пеледыш пайрем 6 июньышто Пресненский паркыште лиеш. Организаторжо – Калык-влакын пашашт шотышто федерал агентстве, Российысе марий-влакын калыкле-тӱвыра автономийышт, Москваште марий-влакын землячествыже. Татарстаныште тений Семык пайрем 30 майыште Менделеевский район Элнет ялыште лиеш. Программыш пуртымо «Чевер марий ӱдыр» ден «Марий патыр» конкурс-влак поснак оҥай лийшаш улыт. газетамарийэл.рф/peledysh-p...

🌞🌺🌿Поро эр, пагалыме лудшына-влак! Таче 4 июнь, изарня. Кечыда ласкан эртыже, пашада тӱвыргӧ лектышан лийже! 📌 Кастене ӱвыра шуко — вес кечын йӱр лиеш. 📌Кайык-влак пуракыште йӱштылыт — кукшо игечылан. 📌Йӱр деч вара шонанпыл вашке йомеш — игече тӧрлана. 🌺Таче тыгай лӱман-влакын суксо аралтыш кечышт: Даниил, Захар, Макар, Михаил, Павел, Теодор, Федор, Яков, София. 📸Михаил Скобелевын фотожо/"Марий Эл" увер агентстве.