Sputnik Ўзбекистон

Тошкентда йўлкира 2500 сўмгача ошиши мумкин.

1 октябрдан Тошкент жамоат транспортида бир марталик йўл ҳақи электрон усулда тўланганда 1700 сўмдан 2500 сўмгача оширилиши мумкин. Нақд пулда йўл ҳақини 3000 сўм этиб белгилаш таклиф қилинмоқда. Қарор муҳокамасига ҳавола ушбу нашр остидаги биринчи изоҳда бўлади.
Шу билан бирга, расмийлар қулай тарифларни сақлаб қолишни хоҳламоқда. Халқ депутатлари Тошкент шаҳар Кенгаши бир марталик саёҳат нархининг оширилиши бюджет юкини камайтириш ва транспортни молиялаштиришнинг янада самарали тизимига ўтиш имконини беради, деб ҳисоблайди.

Тошкентда тез орада ичимлик (совуқ) суви мавсумий ўчирилади.

14 сентябрдан бошлаб шаҳар ҳудудларида совуқ сув таъминотида режали узилишлар бошланади. Ишлар 22 октябрга қадар босқичма-босқич давом этади.
Ўчиришлар сув таъминоти тизимини куз-қиш мавсумига тайёрлаш билан боғлиқ. Ушбу ишлар доирасида йирик сув тармоқлари ва ускуналарини профилактика қилиш ва таъмирлаш ишлари олиб борилмоқда, носозликлар бартараф этилмоқда ва тизим юқори мавсумий юкламаларга тайёрланмоқда. Шунингдек, "Ўзсувтаъминот" сув ташувчилар ёрдамида сув етказиб беришни ташкил этиш имконияти мавжудлигини маълум қилади.
Сувни ўчириш жадвалига ҳавола ушбу нашрнинг биринчи изоҳида бўлади.

Сенат ўзбек алифбосини янгилашга доир қонунни маъқуллади

Янги таҳрирга кўра, ўзбек алифбоси 26 та ҳарф ва 3 та ҳарф бирикмаси ўрнига 28 та ҳарф ҳамда 1 та тутуқ белгисидан иборат бўлади.
Ўтиш даврида амалдаги алифбода тайёрланган ҳужжатлар, пуллар ва қимматли қоғозлар ўз кучида қолади.
Давлат ташкилотчиларидаги айрим пешлавҳа, кўрсаткич ва рамзлардан ҳам улар алмаштирилгунга ёки белгиланган муддатга қадар фойдаланиш мумкин бўлади.

Хоразмда бронза даврига оид қабристон топилди

Маъмун академияси археологлари у эйрда тошдан қурилган 19 та қабр, ғужанак ҳолда дафн этилган жасадлар, бронза буюмлар ва мунчоқлар топганлар.
Топилмалар Жанубий Қозоғистоннинг Сирдарё ҳавзасидаги айрим ёдгорликларга ўхшаш.
Ёдгорликнинг аниқ санаси ва маданий мансублиги кейинги тадқиқотлардан сўнг белгиланади.

Мирзиёев Самарқанддаги ёш парламентчилар конференцияси иштирокчиларига табрик йўллади

Президент табригида бугунги форум фикр алмашиш, янги ғоялар ва илғор ташаббусларни илгари суриш учун самарали майдон бўлишига ишонч билдирди.
Мирзиёев Ўзбекистоннинг 39 миллионлик аҳолисининг қарийб 56%ни ёшлар ташкил этишини таъкидлади. Дунёнинг ТОП-100 университетларида таҳсил олаётган ўзбекистонлик йигит-қизлар сони 3,5 минг нафардан ошган. Президент, шунингдек, Самарқанд революцияси қабул қилинганини олқишлади ва ёшлар салоҳиятини рўёбга чиқариш бўйича илғор тажриба алмашиш учун махсус платформа тақдим этишга тайёрлигини билдирди.
Шавкат Мирзиёев конференция иштирокчиларини 2027 йилда Ўзбекистонда ўтказиладиган «Авлодлар мулоқоти» халқаро ёшлар конгрессига таклиф қилди.

Сергелида 3 нафар фарзанди билан кўчада қолган аёлга ёрдам берилди

3 сентябрь куни тунги вақтда туман ҳокимлиги ва ИИО ФМБ ходимлари кўчада қолган аёл ва унинг уч нафар фарзандини аниқлади.
Уларга иссиқ овқат ва кийим-кечак берилди, аёл ҳамда болалар тиббий кўрикдан ўтказилди. Аёл Тошкент вилояти Оҳангарон туманидаги «Бирлик» МФЙда яшаши аниқланган.
Ҳозирда аёл ва фарзандларини доимий яшаш манзилига олиб бориб қўйиш чоралари кўрилмоқда.

Бишкекда ШҲТнинг 25 йиллик юбилей саммити бошланмоқда

Давлат раҳбарларини Қирғизистон президенти Садир Жапаров «Ирис Ордо» конгресс-холлида шахсан кутиб олмоқда.
Саммитда 18 та давлат вакиллари, шунингдек, қатор халқаро ташкилотлар раҳбарлари, жумладан, БМТ Бош котиби иштирок этади.

Шавкат Мирзиёев ШҲТ саммити майдонига етиб келди

Президентни Қирғизистон ташқи ишлар вазири кутиб олди, деб хабар берди @sputnik_kyrgyzstan.
Кутиб олиш маросимида Садир Жапаров Шавкат Мирзиёев ва Ўзбекистон халқини Мустақиллик куни билан табриклади.

Шавкат Мирзиёев Ислом Каримов ҳайкали пойига гулчамбар қўйди

Ўзбекистон биринчи президенти Ислом Каримов вафот этган кун муносабати билан Тошкент, Самарқанд ва Қарши шаҳарларида хотира тадбирлари ўтказилди.
Маросимда Қуръон тиловат қилиниб, дуо ўқилди. Ислом Каримовнинг Ўзбекистон мустақиллиги ва халқ фаровонлиги йўлидаги хизматлари ёдга олинди.
Хотира тадбирларида унинг мамлакат тарихидаги ўрни ва хизматлари яна бир бор эътироф этилди.